एभरेष्ट बैंकको लाभांश घोषणा, बोनस र नगद कति?
काठमाडौं । एभरेष्ट बैंक लिमिटेडले लाभांश घोषणा गरेको छ । बैंकको भदौ २१ गते बसेको सञ्चालक समिति बैठकले लाभांश घोषणा गरेको हो ।
बैंकको भदौ २१ गते बसेको सञ्चालक समितिको बैठकले गत आर्थिक वर्षको सञ्चित मुनाफाबाटबाट बैंकका शेयरधनीहरूलाई १० प्रतिशत बोनस शेयर र ५.५३ प्रतिशत नगद लाभांश (कर सहित) वितरण गर्ने निर्णय गरेको हो ।
उक्त घोषित लाभांश नेपाल राष्ट्र बैंकले स्वीकृत गरी बैंकको आगामी वार्षिक साधारणसभाले पारित गरेपश्चात शेयरधनीहरूमा वितरण गरिनेछ ।
