लामखुट्टे धपाउन बालेको कोइलाबाट घर र गोठमा आगलागी
काठमाडौं । भक्तपुरको चाँगुनारायण नगरपालिका वडा नम्बर ४ नारायणटारमा लामखुट्टे धपाउन बालेको कोइलाबाट घर र गोठमा आगलागी भएको छ ।
आज बिहान करीब २ः४० बजेको समयमा घरमा आगो लागेको र सँगैको गोठमा पनि आगो सल्किएको प्रहरीले बताएको छ । स्थानीय बासिन्दा, प्रहरी र दमकलको सहायताले बिहान पौने चार बजे आगो नियन्त्रमा आएको थियो ।
आगलागीबाट अन्दाजी ५० हजार रुपैयाँ बराबरको एउटा जर्सी गाई र अन्दाजी १० हजार मूल्य बराबरको एउटा बाख्रो मर्दा ६० हजार रुपैयाँ बराबरको क्षति भएको प्रहरीले बताएको छ ।
