छोराको जन्मदिनमा रिलायबल नेपाल लाइफको बीमा पोलिसी उपहार
काठमाडौं । बद्लिँदो समयसँगै चाडपर्व र उत्सवादि मनाउँने प्रचलनमा पनि परिवर्तन देखा पर्न थालेको छ । समाज आधुनिकतातर्फ जाँदैगर्दा पुराना शैलीलाई पनि नयाँ शैलीले प्रतिस्थापन गर्ने क्रम बढ्दो रूपमा छ । यसैको थप एउटा उदाहरण स्वरूप चितवनमा छोरालाई जन्मदिनमा आमाले अनावश्यक उपहारको सट्टा बीमा पोलिसी उपहार दिएकी छन् ।
चितवन जिल्लाको भरतपुर–१० की सुनिता कुमालले आफ्नो छोरा श्रृजन कुमालको जन्मदिनमा रिलायबल नेपाल लाइफको ‘रिलायबल सुलभ जीवन बीमा योजना’ उपहार दिएकी हुन् । उनले आफ्नो छोराको भविष्यको ख्याल गर्दै १५ वर्षे अवधिको उक्त बीमा पोलिसी उपहारमा दिएको कम्पनीले बताएको छ ।
सुनिता कुमालले अभिकर्ता सुरवीर कुमाल मार्फत् कम्पनीसँग सहकार्य गरी उक्त बीमा पोलिसी उपहार दिएकी हुन् । हाकिम चोक शाखाका मार्केटिङ अफिसर सुरेन्द्र गिरीको उपस्थितिमा उक्त बीमा पोलिसी हस्तान्तरण गरिएको कम्पनीले जनाएको छ ।
अनावश्यक र महङ्गो उपहारको सट्टा भविष्यका लागि बचत र सुरक्षा दुवै हुने बीमा पोलिसी उपहार दिनु उत्तम बिकल्प हुने बीमा जानकारहरू बताउँछन् ।
