सातौं वार्षिकोत्सवमा रिलायबल नेपाल लाइफले रक्तदान गर्ने
काठमाडौं । रिलायबल नेपाल लाइफ इन्स्योरेन्स लिमिटेडले आफ्नो सातौं वार्षिकोत्सवको अवसरमा रक्तदान कार्यक्रम सञ्चालन गर्ने भएको छ ।
बार्षिकोत्सवमा चितवन रिजन कार्यालयद्वारा भदौ १५ गते शनिबार रक्तदान कार्यक्रम सञ्चालन गर्न लागिएको कम्पनीले जनाएको छ । रक्तदान शिविर रिलायबल नेपाल लाइफको नारायणगढ शाखा, भरतपुर ओरालो आँदा अस्पताल अगाडी विहान साढे ७ बजे सञ्चालन गरिनेछ ।
साथै कम्पनीले उक्त रक्तदान कार्यक्रममा सहभागी भई रक्तदान गर्न कर्मचारी, अभिकर्ता लगायत इच्छुक सबैलाई आह्वान गरेको छ । रक्तदानले कसैको अमूल्य जीवन बच्ने भएकाले शिविर सञ्चालन गरी रक्तदान गर्न लागिएको कम्पनीले जनाएको छ ।
कम्पनीले आफ्नो वार्षिकोत्सवमा यस्तै विभिन्न प्रकारका परोपकारी कार्य गर्दै आइरहेको छ । यस कार्यलाई थप निरन्तरता दिने प्रतिबद्धता समेत कम्पनीले गरेको छ ।
