नेपाली सेनाले अधिकृत क्याडेटमा खुलायो भर्ना, २८० जना माग
काठमाडौं । नेपाली सेनाले अधिकृत क्याडेट पदमा नयाँ भर्ना खुलाएको छ । सेनाको भर्ना छनौट निर्देशनालय, जङ्गी अड्डाले २८० जनाबाट अधिकृत क्याडेटका लागि दरखास्त आह्वान गरेको हो ।
सेनाले खुलाबाट १४७ जना, शारीरिक रूपमा अशक्त र कर्तव्य पालनाको सिलसिलामा मृत्यु भएका नेपाली सैनिकका सन्ततीबाट १४ जना, महिला २४ जना, आदिवासी जनजाती ३८ जना, मधेसी ३३ जना, दलित १८ जना र पिछडिएको क्षेत्रबाट ६ जना गरी जम्मा २८० जनाबाट दरखास्त आह्वान गरेको हो ।
तोकिएको योग्यता पुगेका इच्छुक नेपाली नागरिकले आवश्यक पर्ने कागजात सहित असोज ५ गतेसम्म र दोब्बर दस्तुर तिरी असोज १२ गतेसम्म आवेदन दिन सक्नेछन् ।
