नेपाल राष्ट्र बैंकमा रोजगारीको अवसर, कति चाहिन्छ शैक्षिक योग्यता ?
काठमाडौं । नेपाल राष्ट्र बैंकले विभिन्न पदमा रोजगारीको अवसर खुलाएको छ । केन्द्रिय बैंकले आज एक सूचना जारी गर्दै विभिन्न पदहरुमा ५२ जना कर्मचारी माग गरेको हो ।
केन्द्रिय बैंकले सहायक निर्देशक, सहायक र सहायक (सूचना प्रविधि) पदमा रोजगारीको अवसर खुलाएको छ । उक्त पदहरुमा लोकसेवाले लिखित परीक्षा लिने भएका कारण परीक्षा मिति पछि सार्वजनिक हुने केन्द्रिय बैंकले जनाएको छ ।
बैंकका अनुसार उक्त पदहरुमा आवेदन दिनको लागि मान्यता प्राप्त शैक्षिक संस्थाहरुबाट प्लस टु देखि स्नाकोत्तर सम्मको शैक्षिक योग्यता हुनुपर्ने छ ।
इच्छुक नागरिकले बैंकको आधाकारिक वेबसाईट https://jobs.nrb.org.np/ मार्फत आवेदन दिन सक्ने छन् ।
