वार्षिकोत्सवमा ग्रामीण विकास लघुवित्तद्धारा रक्तदान कार्यक्रम सम्पन्न
काठमाडौँ । ग्रामीण विकास लघुवित्त वित्तीय संस्था लिमिटेडले रक्तदान कार्यक्रम सम्पन्न गरेको छ । कम्पनीले आफ्नो दशौं वार्षिकोत्सवको अवसरमा रक्तदान कार्यक्रम गरेको हो ।
साउन २९ गते मंगलवार संस्थाको प्रधान कार्यालय, बुटवलमा सञ्चालन भएको रक्तदान कार्यक्रममा सञ्चालक समितिका अध्यक्ष भरतराज कोइराला र प्रमुख कार्यकारी अधिकृत श्याम कुमार कटुवालले रक्तदान कार्यक्रमको शुभारम्भ गरेका थिए ।
मानविय सेवा र धर्मका लागि रक्तदान गरौं भन्ने मूल उद्देश्यबाट अभिप्रेरित भई ग्रामीण विकास लघुवित्त वित्तीय संस्था लि.ले आफ्नो दशौं वार्षिकोत्सवको उपलक्ष्यमा रक्तदान कार्यक्रमको आयोजना गरेको हो ।
उक्त रक्तदान कार्यक्रममा संस्थामा कार्यरत कर्मचारी लगायत समाजका विभिन्न क्षेत्रमा आवद्ध ४१ जना व्यक्तिहरूले रक्तदान गरेका थिए । प्रधान कार्यालय, बुटवलमा सञ्चालन भएको रक्तदान कार्यक्रममा नेपाल रेडक्रस सोसाइटी, रक्त संचार सेवा केन्द्र बुटवलको प्राविधिक सहयोग रहेको थियो ।
