‘सक्किगोनि’ मा प्रहरी इन्स्पेक्टरको भूमिकामा देखिने कलाकार आचार्यसहित ११ जना पक्राउ
काठमाडौँ । हास्यटेलिशृंखला ‘सक्किगोनि’ मा प्रहरी इन्स्पेक्टरको भूमिकामा देखिँदै आएका कलाकार पुरुषोत्तम आचार्यसहित ११ जना पक्राउ परेका छन् । काठमाडौँमा जुवातास खेलिरहेको अवस्थामा ११ जनालाई प्रहरीले पक्राउ गरेको हो ।
काठमाडौं महानगरपालिका–८, गौरीघाटबाट उनीहरूलाई पक्राउ गरिएको हो । प्रहरीका अनुसार, काभ्रेको बनेपा नगरपालिका–१२ का ४१ वर्षीय राजु महतको गौरीघाटस्थित कोठामा उनीहरू जुवातास खेलिरहेका थिए ।
नगद एक लाख ७० हजार रुपैयाँ र १६ बुक ताससहित उनीहरूलाई पक्राउ गरिएको थियो ।
