नेशनल लाइफद्वारा नेपालगंजमा आलिसान भवन तयार, अध्यक्ष सिंहले गरिन् हवनसहित उद्घाटन
काठमाडौं । नेशनल लाइफ इन्स्योरेन्स कम्पनी लिमिटेडले नेपालगंजमा आफ्नै आलिसान भवनको हवन गरी उद्घाटन गरेको छ ।
शुक्रबार नाग पञ्चमीको अवसर पारेर कम्पनी सञ्चालक समितिकी अध्यक्ष प्रेमा राज्य लक्ष्मी सिंहले बिधिवत तरिकाले पुजा आराधना हवन गरेर आलिसान भवनको उद्घाटन गरेकी हुन् ।
कम्पनीकी अध्यक्ष सिंहले बिधिवत तरिकाले पुजा तथा हवन गरेर नयाँ भवनको कार्यप्रारम्भ गरेकी छिन् । कार्यक्रममा कम्पनीका प्रमुख कार्यकारी अधिकृत सुरेश प्रसाद खत्री र सञ्चालकहरुको उपस्थिती रहेको छ ।
कम्पनीका प्रमुख कार्यकारी अधिकृत सुरेश प्रसाद खत्रीले अभिकर्ताहरुलाई प्रात्साहन गर्नुका साथै आफ्ना कम्पनीका अभिकर्ताहरुको समस्यालाई आफ्नो व्यक्तिगत समस्याको जसरी समाधान गर्दै आएका छन् ।
नेशनल लाइफले नेपालगंजमा आफ्नै भव्य भवन निर्माण गरेपश्चात त्यस क्षेत्रका हजारौं अभिकर्ताहरुले खुशी व्यक्त गर्दै कम्पनीलाई धन्यवाद व्यक्त गरेका छन् ।
कम्पनीले आउँदो माघ महिनादेखि उक्त नयाँ भवनबाट कार्यसम्पादनको थालनी गरिने कम्पनीले जनाएको छ । नेपालगंजलाई कम्पनीको व्यवसायको गणको रुपमा लिएको छ । यस क्षेत्रका अभिकर्ताहरुले कम्पनीमा सर्बाधिक व्यवसाय गर्दै आएका छन् ।
