प्रभु बैंकको खुद मुनाफामा उच्च बृद्धि, चार अर्ब ४८ करोड कमाउँदा इपिएससहित अन्य सूचांक कस्तो ?
काठमाडौं । क बर्गको राष्ट्रियस्तरको बाणिज्य बैंक प्रभुको मुनाफामा उच्च बृद्धि भएको छ । जसको परिणाम इपिएस लगायतका अधिकांश सूचकहरुमा उच्च बृद्धि देखिएको छ । आज प्रकाशित बार्षिक वित्तीय विवरण अनुसार प्रभु बैंकको मुनाफा चार अर्ब ४८ करोड आठ लाख १० हजार रुपैयाँ रहेको छ ।
अघिल्लो आवमा पनि बैंकले २ अर्ब ८२ करोड ५२ लाख ४९ हजार रुपैयाँ खुद नाफा कमाएकोमा चालु आवमा ५८.६० प्रतिशतले बृद्धि गर्न सफल भएको छ ।
प्रभु बैंकको निक्षेप संकलन भने ३.५१ प्रतिशत बढेर ३ खर्ब ५ अर्ब १ करोड २८ लाख रुपैयाँ पुगेको छ । तर, कर्जा लगानी भने ३.८३ प्रतिशत घटेर २ खर्ब २५ अर्ब १९ करोड रुपैयाँ छ ।
समीक्षा अवधीमा बैंकको खुद ब्याज आम्दानी १९.४३ प्रतिशत बढेर १२ अर्ब २ करोड २५ लाख रुपैयाँ आम्दानी गर्न सफल भएको छ । जसको परिणाम बैंकको सबै सुचांकमा सकारात्मक प्रभाव देखिएको छ । वित्तीय विवरण अनुसार बैंकको वितरणयोग्य मुनाफा एक अर्ब २२ करोड ३९ लाख ४५ हजार रुपैयाँ छ ।
कूल चुक्ता पुँजि २३ अर्ब ५४ करोड रुपैयाँ रहेको बैंकले गत आवको मुनाफाबाट आफ्ना सेयरधनीलाई बैंकले ५.२० प्रतिशत लाभांश दिन सक्ने क्षमता बनाएको छ । अघिल्लो आवको सोही अवधिमा भने बैंकको. वितरणयोग्य मुनाफा ऋणात्मक थियो ।
समीक्षा अवधीमा बैंकको प्रतिसेयर आम्दानी पनि बढेर १९ रुपैयाँ ०३ पैसा छ । यता, प्रतिसेयर नेटवर्थ भने १५४ रुपैयाँ ७६ पैसा खराव कर्जा घटेर ४.७८ प्रतिशतमा झरेको छ ।
