सिटिजन लाइफ टोखा शाखाका ११ जना एजेन्सी सम्मानित
काठमाडौं । सिटिजन लाइफ इन्स्योरेन्स अन्तर्गत टोखा शाखा कार्यालयका ११ जना एजेन्सीहरु सम्मानित भएका छन् । कम्पनीले शनीबार हायात रिजेन्सीमा आयोजना गरेको ‘सिटिजन लिडर्स नाइट २०२४’ कार्यक्रममा टोखा शाखा कार्यालयका एजेन्सीहरुलाई सम्मानित गरेको हो ।
शाखा कार्यालयबाट कुल ११ जना एजेन्सीहरु सम्मानित भएका छन् । जसमा डाइमण्ड क्लबमा ४ जना, गोल्ड क्लबमा २ र सिल्भर क्लबमा ५ जना एजेन्सीहरु क्वालिफाइ भई सम्मानित भएका हुन् । सिटिजन लाइफ इन्स्योरेन्सका सयौं शाखा कार्यालयमध्ये कार्य सम्पादनको आधारमा टोखा शाखा नवौं स्थानमा पर्न सफल भएको छ ।
सो अवसरमा ब्रान्च म्यानेजर राज कुमार न्यौपानेले भने,‘यो सम्मान पाउनु भनेको आफ्नो मिहिनेतको फल हो । ढुक्क भएर काम गर्नेले यो सम्मान अवश्य पाउँछ । वर्ष भरीको मिहिनेतले यो सम्मान पाउँछ।’
साथै, कम्पनी प्रवेश गरेको दुई महिनामा नै सिल्भर क्लब विजेता भएकी एजेन्सी म्यानेजर सविता विसुंखेको योगदान सम्मानजनक रहेको छ । उनका अनुसार अभिकर्ता पेशा च्यालेन्जिङ भएपनि मिहिनेत गर्दै जादा अवश्य सफलता प्राप्त गर्न सकिने छ ।
टोखा शाखा कार्यालयका एजेन्सी म्यानेजर जीवन श्रेष्ठले भने, ‘म डाइमण्ड क्लब बिजेता भएर सम्मानित भएको कारण आफुप्रति गर्व महशुस गरेको छु।’
