पोखरामा विद्यार्थी बोकेको बस दुर्घटना, एक जनाको मृत्यु हुँदा २६ जना घाइते
अपडेटः स्कुलकी कर्मचारी ३३ वर्षीया आरती विकको गण्डकी मेडिकल कलेज लैजाने बित्तिकै मृत्यु भएको हो भने आरतीका छोरा अन्दाजी पाँच वर्षीय प्रिन्सको पनि उपचारका क्रममा गण्डकी मेडिकल कलेजमा मृत्यु भएको छ ।
काठमाडौँ । कास्की जिल्लाको पोखरामा बिद्यार्थी बोकेको स्कुल बस दुर्घटनामा परेको छ ।पोखरा महानगरपालिका वडा–२१ कृस्तीमा स्कुल बस दुर्घटनामा परेको हो ।
प्रहरीका अनुसार एलपी देवकोटा मेमोरियल विद्यालयको विद्यार्थी बोकेको बस दुर्घटनामा परेको हो । जसमा २७ जना विद्यार्थी र २ जना स्टाप रहेका थिए । दुर्घटनामा एक जनाको मृत्यु भएको प्रहरीले जनाएको छ ।
दुर्घटनाबाट घाइते केहि विद्यार्थीहरुलाई गण्डकी मेडिकल कलेज पोखरा पुराइएको छ । बस के कति कारण बस विद्यार्थीसहित दुर्घटनामा परेको खुलेको छैन । विद्यार्थीहरुको उद्धार कार्य भइरहेको प्रहरीले जानकारी दिएको छ ।
