पूर्वमन्त्री जोशी भ्रष्टाचार मुद्दामा दोषी ठहर
काठमाडौँ। पूर्वमन्त्री गोविन्दराज जोशीलाई सर्वोच्च अदालतले भ्रष्टाचार मुद्दामा दोषी ठहर गरेको छ ।
सर्वोच्चमा मुद्दा दर्ता भएको १२ वर्षपछि आइतबार यो मुद्दाको अन्तिम फैसला आएको हो । उनलाई ९ महिना कैदको सजाय सुनाइएको छ ।
न्यायाधीशहरू विनोद शर्मा र बालकृष्ण ढकालको इजलासले जोशीलाई दोषी ठहर गरेको छ । जोशीले ६९ लाख १५ हजार रूपैयाँ बराबरको सम्पत्तिको स्रोत खुलाउन नसेको अदालतले बताएको छ ।
२०४८ सालदेखि २०५९ सालसम्म विभिन्न सरकारी सार्वजनिक पदमा रहँदा जोशीले स्रोत नखुलेको २ करोढ १६ लाख बराबरको सम्पत्ति जोडेको भन्दै विशेष अदालतले दोषी ठहर गरेको थियो ।
