सौर्य एयरलाइन्स जहाज दुर्घटनामा पोखरा घुम्न जान लागेका एकै परिवारको तीनजनाको मृत्यु
काठमाडौं । काठमाडौं ।सौर्य एयरलाइन्सको जहाजमा सवार रहेका एकै परिवारको तीनजनाको मृत्यु भएको छ ।
जहाजमा सवार मनुराज शर्मा, प्रिजा खतिवडा र अधिराज शर्माको मृत्यु भएको हो । मनुराज र प्रिजा श्रीमान–श्रीमती हुन् भने अधिराज उनीहरुका छोरा हुन् ।
बुधबार बिहान काठमाडौँबाट पोखराका लागि उडेको जहाजमा सवार १९ जनामध्ये १८ जनाको मृत्यु भएको नेपाल नागरिक उड्ययन प्राधिकरणले जनाएको छ ।
प्राविधिक मनुराज पोखरा जाने भएपछि श्रीमती प्रिजालाई अफिसबाट र छोरा अधिराजलाई विद्यालयबाट बोलाएर घुम्न सौर्य एयरलान्सबाट पोखरा जादै थिए । प्रिजा नेपाल पत्रकार महासंघ सप्तरीका पूर्वअध्यक्ष प्रकाश खतिवडाकी छोरी हुन् ।
