४० प्रतिशतले बढ्यो समिट एयरको व्यापार, एक वर्षमा कमायो १ अर्ब ११ करोड रुपैयाँ
काठमाडौँ । एक वर्षमा समिट एयर लिमिटेडले १ अर्ब माथिको व्यापार गरेको छ । इक्रा नेपालका अनुसार कम्पनीले सन् २०२३ मा १ अर्ब ११ करोड ३० लाख रुपैयाँको व्यापार गरेको छ । जुन व्यापार सन् २०२२ को तुलनामा ४०.३५ प्रतिशतले बढी हो । कम्पनीले सन् २०२२ मा ७९ करोड ३० लाख रुपैयाँको मात्र व्यापार गरेको थियो ।
कम्पनीले गत आर्थिक वर्षको ६ महिनामा मात्र ५१ करोड ५० लाख रुपैयाँको व्यापार गरेको छ । यता, सन् २०२१ मा कम्पनीको व्यापार ४४ करोड ९० लाख रुपैयाँ रहेको इक्रा नेपालले जनाएको छ । २०१० अगस्ट मा स्थापिथ समिट एयर एक घरेलु एयरलाइन कम्पनी हो ।
हाल समिटका अध्यक्ष विकास जेबी राणा छन् । कम्पनीको केन्द्रीय कार्यालय तीनकुने काठमाडौँमा रहेको छ ।
