बागमती नदीको बाढी ‘डेन्जर’ तहमा, सतर्क रहन आग्रह
काठमाडौँ । गएरातिदेखि देशका विभिन्न भागमा भइरहेको अत्यधिक मनसुनी वर्षाका कारण ठुला तथा सहायक नदी, खोला र खहरेहरूमा बाढीको मात्रा बढेको छ । जल तथा मौसम विज्ञान विभागको बाढी पूर्वानुमान शाखाका अनुसार काठमाडौँको बागमतीले नदी किनार नाघ्ने गरी भीषण बाढी बढेको छ ।
विभागका अनुसार यी नदिमा खतराको तहभन्दा पनि बढी तह पार गरेको जनाएको छ । बागमती नदीले ४ मिटर तह पार गरेको छ । यी नदी आसपासका बस्ती, सडक तथा खेतबारीमा सतर्कता अपनाउन विभागले भनेको छ ।
