नेपाल फाइनान्सको आज पनि सर्वाधिक कारोबार, हाइड्रो कम्पनीहरुको शेयरमूल्य वृद्धि
काठमाडौं । कारोबार साताको दोस्रो दिन अर्थात सोमबार शेयर बजार दोहोरो अंकले बढेको छ । आज नेप्से परिसूचक १६ दशमलव २९ अंकले बढेर २०५३.३८ को विन्दुमा कायम भएको छ ।
शेयर बजार बढेसँगै आइतबारको तुलनामा कारोबार समेत वृद्धि भएको छ । सोमबार कारोबार भएका ३२३ वटा कम्पनीहरुमध्ये १७६ वटा कम्पनीको शेयरमूल्य वृद्धि र ६० वटा कम्पनीको शेयरमूल्यमा गिरावट आएको छ ।
आज पनि नेपाल फाइनान्सको १९ करोड १३ लाख रुपैयाँका दरले सर्वाधिक कारोबार भएको छ । त्यस्तै, एनआरएन इन्फ्रास्टक्चरको ११ करोड रुपैयाँ, जानकी फाइनान्सको नौ करोड रुपैयाँले सर्वाधिक कारोबार भएको छ ।
सोमबार हिमालयन उर्जा विकास कम्पनीको शेयरमूल्य ९.७४ प्रतिशतले सर्वाधिक वृद्धि भएको छ । त्यस्तै, दोर्दी खोला हाइड्रोपावरको ८.४७ प्रतिशतले शेयरमूल्य वृद्धि भएको छ ।
