एसईई परीक्षाको नतिजा सार्वजनिक, १८६ जनाले ल्याए ४ जीपीए
![](https://www.beemapost.com/wp-content/uploads/2021/06/see-photo.jpg)
काठमाडौं । राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षा (एसईई) को नतिजा सार्वजनिक गरेको छ ।
परीक्षामा सहभागी भएका कुल चार लाख ४४ हजार ७८५ जना विद्यार्थी मध्ये ४७.८६ प्रतिशत विद्यार्थीमात्रै उत्तीर्ण भएका छन् भने ५२.१४ प्रतिशत परीक्षार्थीले ननग्रेड (एनजी) ल्याएका छन् । कार्यालयका अनुसार दुई लाख ४२ हजार ९२ जना विद्यार्थीले मात्रै कक्षा ११ मा पढ्न पाउने भएका छन् । परीक्षमा सहभागी १८६ जनाले ४ जीपीए ल्याएका छन् ।
बोर्डले यस वर्ष लेटर ग्रेडिङ निर्देशिका, २०७८ अनुसार नतिजा सार्वजनिक गरेको हो । जसमा सैद्धान्तिक र आन्तरिकको मूल्यांकन फरक–फरक रुपमा गर्ने व्यवस्था छ । जसअनुसार विद्यार्थीले सैद्धान्तिकतर्फ हरेक विषयमा न्यूनतम ३५ प्रतिशत अर्थात् ७५ अंकको सैद्धान्तिक परीक्षाको विषयमा न्यूनतम २६.२५ अंक र आन्तरिकतर्फ २५ पूर्णांकको परीक्षामा भने ४० प्रतिशत अर्थात् १० अंक ल्याउनुपर्नेछ ।
सैद्धान्तिकतर्फ ३५ प्रतिशत अङ्क नल्याउने विद्यार्थी फेल अर्थात् ‘नन ग्रेडेड’ (एनजी) हुनेछन् । दुई विषयमा ‘एनजी’ आएको विद्यार्थीले एक महिनापछि हुने पूरक परीक्षामा सामेल हुन पाउनेछन् । गत चैत १५ देखि २७ गतेसम्म सञ्चालित एसईईमा परीक्षामा चार लाख ८८ हजार जना विद्यार्थीले परीक्षा दिएका थिए ।
विद्यार्थीहरूले यी माध्यमबाट परीक्षाको नतिजा हेर्न सक्नेछन् ।