शून्य मौज्दातका निष्क्रिय खाता बन्द गर्दै महालक्ष्मी विकास बैंक
काठमाडौं । महालक्ष्मी विकास बैंक लिमिटेडले दश वर्षदेखि शून्य मौज्दात रही कारोबार नभएका (निष्क्रिय) बैंक खाताहरू बन्द गर्ने भएको छ ।
नेपाल राष्ट्र बैंकले शून्य मौज्दातका निष्क्रिय बैंक खाताहरू सार्वजनिक सूचना प्रकाशन गरी बन्द गर्न सक्ने प्रावधान गरेको छ । सोही प्रावधान अनुरूप महालक्ष्मी विकास बैंकले असार १३ गते एक सूचना प्रकाशित गर्दै निष्क्रिय खाता बन्द गर्न लागिएको जनाएको हो ।
बैंकले त्यस्ता खातावाला ग्राहकलाई आफ्नो खातामा न्यूनतम मौज्दात जम्मा गरी खाता अद्यावधिक गर्न आग्रह समेत गरेको छ । १५ दिनभित्र निष्क्रिय खाता अद्यावधिक नभएमा बन्द गरिने सूचनामा उल्लेख गरिएको छ ।
