सिटिजन्स बैंक र ग्राण्ड नोरलिङ होटेलबीच छूट सम्झौता
काठमाडौं । सिटिजन्स बैंक इन्टरनेशनल लिमिटेड र काठमाडौंको मूलपानीस्थित स्थित ग्राण्ड नोरलिङ होटेल रिसोर्टबीच सिटिजन्स बैंकका ग्राहकहरूलाई विशेष छूट दिने समझदारीपत्रमा हस्ताक्षर भएको छ ।
यस सम्झौता पश्चात् सिटिजन्स बैंकका कार्डबाहक र मोबाइल बैंकिङ्ग ग्राहकहरूले ग्राण्ड नोरलिङ होटेलका सेवाहरुमा १० प्रतिशतसम्मको छूट पाउने भएका छन् । यस किसिमको सहकार्यबाट बैंकका ग्राहकहरू लाभान्वित हुने र नगद रहित कारोबारतर्फ उत्प्रेरित हुने विश्वास बैंकले लिएको छ ।
बैंकले डिजिटल बैंकिङ्गको प्रयोग बढाउन र ग्राहकलाई डिजिटल माध्यमबाट भुक्तानी गर्न प्रोत्साहन गर्न समयसमयमा ग्राहकमैत्री सुविधाहरू सञ्चालनमा ल्याउँदै आएको छ ।
यस बैंकले आफ्ना देशैभरी फैलिएका १९० शाखा, १५३ एटीएम र ९८ शाखा रहित बैंकिङ्ग इकाईहरूबाट करिब १७ लाख ५० हजार ग्राहकहरूलाई सेवा प्रदान गर्दै आईरहेको छ ।
