नेपाल लाइफ इन्स्योरेन्सको कम्पनी विश्लेषण, कस्तो छ समग्र वित्तिय अवस्था ?
काठमाडौं । नेपाल लाइफको इतिहास हेर्ने हो भने कम्पनीको स्थापना २०५८ साल बैशाख २१ गते भएको हो ।कम्पनीको स्थापनापछि उत्कृष्ट रुपमा व्यवसाय सुचारु गर्ने पहिलो र दोस्रो प्रमुख कार्यकारी अधिकृत भारतबाट ल्याइएको थियो।कम्पनीका पहिलो प्रमुख कार्यकारी अधिकृत जिएस पांती थिए ।
दोस्रो प्रमुख कार्यकारी अधिकृत पनि भारतकै बिसी शर्मा थिए ।
तेस्रो सिइओ भने नेपालकै रमेशकुमार भट्टराई थिए ।
यसअघि दुई कार्यकाल सम्हालेका विवेक झाले सिईओलाई बीमा बजारमा थप स्तरीकृत गर्न ठूलो भूमिका खेलेका छन् ।
हाल कम्पनीको सिईओमा प्रविण रमण पराजुली छन् ।
संस्थापक शेयरधनी समूह संचालकः कमलेश कुमार अग्रवाल
संस्थापक शेयरधनीः विवेक अग्रवाल
सर्वसाधारण शेयरधनीः विमल प्रसाद ढकाल
सर्वसाधारण शेयरधनीः कृष्ण राज लामिछाने
स्वतन्त्र संचालक: पारुल ढकाल
संस्थापक शेयरधनी: शक्ति कुमार गोल्यान
नेपाल लाइफ इन्स्योरेन्सले नियामक निकाय नेपाल बीमा प्राधिकरणबाट दिएको चुक्ता पुँजी निर्णय अघि नै पुगीसकेको छ। कम्पनीको चुक्ता पुँजी ८ अर्ब २० करोड रपैयाँ रहेको छ ।
त्यस्तै कम्पनीको जगेडा कोषको आकार ३० प्रतिशतले वृद्धि भएको तथ्यांकले देखाएको छ।
कम्पनीको मुनाफा २२ प्रतिशतले वृद्धि भएको छ।
कम्पनीले बीशुल्क आर्जन रकममा ८ प्रतिशतको वृद्धि गर्न सफल भएको छ ।
बीमा लेख संख्यामा २२ प्रतिशतको वृद्धि देखिएको छ ।
कम्पनीले लगानीको क्षेत्र पनि विस्तार गरेको छ। स्रमगमा हेर्दा कम्पनीको ग्रोथ अन्य कम्पनीको तुलनामा अग्रस्थानमै छ।
तेस्रो त्रैमासमा मात्र नभई कम्पनीले कारोबारको आधारमा अग्रस्थान बटुल्दै आफनो साख जोगाउदै आईरहेको छ।
सम्रग जीवन बीमा क्षेत्रमा अग्रस्थान र विश्वासले पनि सधै अग्रस्थानको दर्जा कम्पनीले पाउने गरेको छ।
यस्को मुख्य श्रेय कम्पनीमा व्यवसाय भित्र्याउने अभिकर्ता, पदाधिकारी र दक्ष कर्मचारी र संचालक समितिलाई पनि जान्छ ।
कम्पनीको लाभांश ईतिहास
१० बर्षे लामो लाभांश इतिहास कोलाउला नेपाल लाइफले सबैभन्दा धेरै लाभांश दिएको आर्थिक बर्ष २०६९र७० हो । कम्पनीले उक्त बर्ष शेयरधनीलाई ७० प्रतिशत बोनस र २८।५ प्रतिशत नगद लाभांश गरी ९८।५ प्रतिशत लाभांश दिएको थियो ।
त्यस्तै, सबैभन्दा कम चाँहि कम्पनीले आर्थिक बर्ष २०७६र७७ मा दिएको थियो । कम्पनीले उक्त बर्ष शेयरधनीलाइए १४ प्रतिशत बोनस शेयर र ०।७३६८ प्रतिशत नगद गरी कुल १४।७३६८ प्रतिशत लाभांश दिएको थियो ।
यो आर्थिक बर्षमा कम्पनीले २१।०५ प्रतिशत लाभांश दिने घोषणा गरेको छ। जसमा बोनस शेयर शून्य रहेको छ । भने नगद लाभांश वापत २१।०५ प्रतिशत लाभांश दिने घोषणा गरेको थियो ।
विभिन्न सूचकमा नेपाल लाइफ र अन्य कम्पनीबीच गरिएको तुलनात्मक अध्ययन
चुक्ता पुँजीको आधारमा
चालु आर्थिक वर्षको तेस्रो त्रैमाससम्ममा सबैभन्दा धेरै चुक्ता पुँजी नेपाल लाइफ रहेको छ।तेस्रो त्रैमासमा चुक्ता पुँजी ८ अर्ब २० करोड ७९ लाख ६६ हजार रुपैयाँ छ ।
दोस्रोमा हिमालयन लाइफको चुक्ता पुँजी पनि ८ अर्ब २ करोड ३ लाख ८३ हजार रुपैयाँ छ ।
तेस्रोमा नेसनल लाइफको चुक्ता पुँजी ५ अर्बभन्दा धेरै छ । बाँकी ९ कम्पनीको पुँजी ५ अर्ब रुपैयाँ भन्दा कम छ ।
संचित कोषको आधारमा
संचित कोषको आधारमा नेपाल लाइफ अग्रस्थानमा रहेको छ। कम्पनीको संचित कोषमा २ अर्ब २९ करोड ८ लाख ५२ हजार रुपैयाँ छ ।१ वर्षको अवधिमा ७ कम्पनीको रिटेन्ड अर्निङ बढेको छ भने ५ कम्पनीको घटेको छ ।
सबैभन्दा धेरै रिटेन्ड अर्निङ बढ्नेमा एलआइसी नेपाल रहेको छ । यसको रिटेन्ड अर्निङ १९१.४८ प्रतिशतले बढेको छ ।
खुद बीमाशुल्कको आधारमा
सबैभन्दा धेरै खुद बीमा शुल्क आर्जन गर्नेमा नेपाल लाइफ इन्स्योरेन्स रहेको छ । एक वर्षको अवधिमा यस कम्पनीको खुद बीमाशुल्क आर्जन ८.५० प्रतिशतले बढेर २९ अर्ब १२ करोड रुपैयाँ पुगेको छ ।
कर्जा तथा लगानीबाट हुने आम्दानीको आधारमा
कर्जा तथा लगानीबाट सबैभन्दा धेरै आम्दानी गर्नेमा नेपाल लाइफ छ । यसको कर्जा तथा लगानीबाट हुने आम्दानी ९.६५ प्रतिशतले बढेर १० अर्ब ९३ करोड १६ लाख ९६ हजार रुपैयाँ पुगेको छ ।
मुनाफाको आधारमा
खुद मुनाफाको आधारमा नेपाल लाइफ नै अग्रस्थानमा रहेको छ । कम्पनीको खुद मुनाफा ६० करोड रुपैयाँ मुनाफा तेस्रो त्रैमाससम्ममा आर्जन गर्न सफल भएका छन् ।
दोस्रोमा सन नेपाल लाइफ र तेस्रोमा हिमालयन लाइफ र चौथौमा नेशनल लाइफ रहेको छ।
प्रतिसेयर आम्दानीको आधारमा
तेस्रो त्रैमासको अवधिसम्ममा सन नेपाल लाइफको प्रतिशेयर आम्दानी सबैभन्दा धेरै रहेको छ।
आईएमई लाइफको दोस्रोमा, तेस्रोमा नेशनल लाइफ र नेपाल लाइफ चौथौमा रहेको छ। कम्पनीको प्रतिशेयर आम्दानी ९ रुपैयाँ ८ पैसा रहेको छ।
नेप्सेमा २०८१/२/२० गते कारोबार भएको ग्राफः
उच्च :६२२ न्यूनः ६०९ बन्दः ६०३
मुख्य सूचकमा
कम्पनीको बीमङ्किय मूल्याङ्कनअघि चैत मसान्तसम्म ५५ करोड ७० लाख ५६हजार रुपैयाँ खुद नाफा आर्जन गरेर वार्षिक प्रतिसेयर आम्दानी ९ रुपैयाँ ८० पैसा कायम गरेको छ । कम्पनीको प्रतिसेयर नेटवर्थ १४८ रुपैयाँ ६५ पैसा र प्रतिसेयर कुल सम्पत्तिको मूल्य २४९३ रुपैयाँ र मूल्य आम्दानी अनुपात ६१.२३ गुणा कायम भएको छ । कम्पनीको घोषित बोनसदर ५० देखि ८५ रुपैयाँसम्म रहेको छ
उपलब्ध तथ्याङ्कका आधारमा गरिएको यो विश्लेषण आफैमा पूर्ण होइन। लगानीकर्ताहरुले लगानीको थप निर्णय गर्न आफै विश्लेषण तथा अध्ययन गर्न जरुरी छ।
