सरकारले चीन जोड्ने रसुवागढी केरुङ २२० केभी प्रसारणलाइन निर्माण गर्ने घोषणा
सरकारले चीन जोड्ने रसुवागढी(केरुङ २२० केभी प्रसारणलाइन निर्माण गर्ने घोषणा गरेको छ । अर्थमन्त्री वर्षमान पुनले आगामी वर्षको बजेट प्रस्तुत गर्दै केरुङ(रसुवागढी २२० केभी क्रस बोर्डर प्रसारणलाइन निर्माणको घोषणा गरे ।
प्रसारणलाइनको निर्माणको घोषणा गरेको भएपनि अहिलेसम्म विद्युत व्यापार सम्झौता भएको छैन् । त्यसैगरी उनले इनरुवा(ढल्केबर, खिम्ती(बाह्रबिसे(लप्सीफेदी ४०० केभी प्रसारणलाइन निर्माण सम्पन्न गरिने बताए । निर्माणाधीन कर्णाली करिडोर ४०० केभी प्रसारणलाइन तिव्रता दिने सरकारको योजना छ ।
हेटौडा(रातमाटे, लप्सीफेदी(दमौली(न्यु बुटवल, बुटवल(लमही,भेरी करिडोर निर्माण सुरु गरिने उनले बताए ।अरुण,सेती,दुधकोसी र बुढीगण्डकी करिडोर प्रसारणलाइन निर्माण प्रक्रिया अघि बढाउने तयारी छ । न्यु बुटवल गोरखपुर ४०० केभी अन्तर्देशीय प्रसारणलाइन निर्माण सम्पन्न गर्ने लक्ष्य छ ।
