बढ्यो सुनको मूल्य, एक तोला किन्न कति चाहिन्छ रकम ?
काठमाडौँ । नेपाली बजारमा आज सुनको मूल्य बढेको छ । सुन तोलामा ५०० रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला १ लाख ३८ हजार ४०० रुपैयाँ र तेजावी सुन एक लाख ३७ हजार ७५० रुपैयाँमा कारोबार भइरहेको छ ।
शुक्रबार पनि सुनको मूल्य तोलामा २३ सय रुपैयाँले बढेको थियो । चाँदीको मूल्य भने तोलामा १० रुपैयाँले घटेर एक हजार ७२५ रुपैयाँ कायम भएको छ ।
