त्रिवि पत्रकारिता तथा आमसञ्चार विभागको प्रमुखमा पोखरेल
काठमाडौँ । त्रिभुवन विश्वविद्यालयको पत्रकारिता तथा आमसञ्चार केन्द्रीय विभागको प्रमुखमा प्रा. प्रवलराज पोखरेल नियुक्त भएका छन्। विश्वविद्यालयको उपकुलपति प्रा.डा. केशरजङ्ग बरालले पोखरेललाई वैशाख २३ गतेदेखि लागू हुने गरी तीन महिनाका लागि विभागीय प्रमुखमा नियुक्त गरेका हुन्।
यसअघिका प्रमुख प्रा. चिरञ्जीवी खनालले दिएको राजीनामा समेत स्वीकृत भएको हो । १६ वर्षअघि पनि सोही विभागको प्रमुख रहेका पोखरेल लामो समयदेखि पत्रकारिता अध्यापनमा छन्।
पोखरेलले राज्यको चौथो अङ्ग मानिने पत्रकारिता क्षेत्रको राज्यको लगानी वृद्धि गर्नु पर्ने बताएका छन् । उनले पत्रकारीता क्षेत्रको प्रवर्द्धन, प्राज्ञिक उन्नयन र अध्ययन अनुसन्धानका साथै प्राविधिक तथा मानवीय स्रोत, साधनमा राज्यको लगानी वृद्धि हुनुपर्नेमा जोड दिए।
