इलाम–२ को उपनिर्वाचनः नेम्वाङले बढाउँदै अग्रता, रास्वपा चौथो नम्बरमा हुँदा कुनको कति मत ?
काठमाडौँ । इलाम–२ को उपनिर्वाचनको जारी मतगणनामा नेकपा एमालेका उम्मेदवार सुहाङ नेम्वाङले आफ्नो अग्रता कायमै राखेका छन् । नेम्वाङ ११ हजार ७८ मतसहित अग्र स्थानमा रहेका हुन् ।
उनलाई नेपाली कांग्रेसका उम्मेदवार डम्बर बहादुर खड्काले सात हजार ३२४ मतसहित पछ्याइरहेका छन् । तेस्रो नम्बरमा रहेका स्वतन्त्र उम्मेदवार डकेन्द्र सिंह लिम्बु छ हजार ९०१ मत रहेको छ ।
यता, राष्ट्रिय स्वतन्त्र पार्टीका उम्मेदवार मिलन लिम्बु एक हजार ५१२ मतसहित चौथो नम्बर रहेका छन् । एकीकृत समाजवादीका उम्मेदवार जीत बहादुर राईको २५९ र मंगोल नेशनल अर्गनाइजेसनका उम्मेदवार मनिबहादुर लिम्बुले २३० मत पाएका छन् ।
