अरुण भ्याली हाईड्रोपावरको हकप्रद शेयर बाँडफाँड
काठमाडौं । अरुण भ्याली हाईड्रोपावर डेभलपमेन्ट कम्पनी लिमिटेडले फागुन १७ गतेदेखि चैत्र ७ गतेसम्म निष्काशन गरेको हकप्रद शेयर बाँडफाँड गरेको छ । कम्पनीले माघ १४ गतेसम्म कायम शेयरधनीका लागि १ः१ अनुपातमा प्रतिशेयर १०० रुपैयाँ अंकित दरको एक करोड ८६ लाख ७९ हजार ६२६ कित्ता शेयर निष्काशन गरेको थियो ।
निष्काशित हकप्रदमा रितपूर्वक आवेदन दिने ३३ हजार ७१४ जना शेयरधनीहरुलाई एक करोड ६६ लाख ८७ हजार ४९२ कित्ता शेयर बाँडफाँड गरिएको छ । शेयर बाँडफाँड चैत्र २७ गते निष्काशनकर्ता कम्पनीको संचालक समितिले गरेको हो ।
साथै, आफ्नो कायम हकभन्दा बढी शेयर माग गरि दरखास्त दिने आवेदकहरुको हकमा बाँडफाँडमा नपरेको शेयर वापतको रकम चैत्र ३० गते शुक्रबार देखि आईपीएसमार्फत सम्बन्धित आवेदकको बैक खातामा पठाइने कम्पनीले बताएको छ ।
