नेपालमै पहिलो पटक मोबाइल ईभी चार्जिङ स्टेसन सञ्चालनमा
काठमाडौं । बागमती प्रदेशका ७ ठाउँमा २३ ओटा मोबाइल ईभी चार्जिङ स्टेसन शुभारम्भ गरिएका छन् ।
युएसआईडीको ऊर्जा नेपालको सहयोगमा काठमाडौंको दरबारमार्गलगायत क्षेत्रमा ईभी चार्जिङ स्टेसन सञ्चालन गरिएका हुन् । नेपाल विद्युत प्राधिकरणका प्रबन्ध निर्देशक कुलमान घिसिङ, ऊर्जा मन्त्रालयका सहसचिव सन्दीप देव, युएसएड मिसनका कार्यवाहक निर्देशक करा वेल्चले सयुक्त रुपमा उद्घाटन गरेका छन् ।
नेपालमा मोबाइल चार्जिङ स्टेसन सञ्चालनमा आएको यो पहिलो पटक हो ।
