सिंगटी हाइड्रोको लिलामी शेयरको बोलपत्र आज खोलिने
![](https://www.beemapost.com/wp-content/uploads/2023/07/singati-hydro-.jpg)
काठमाडौं । सिंगटी हाइड्रो इनर्जी लिमिटेडले लिलाम बिक्रीमा राखेको ४६ लाख ११ हजार ५३९ कित्ता अवितरित हकप्रद शेयरमा परेको गोप्य शिलबन्दी बोलपत्र आज खोलिने भएको छ । कम्पनीले शेयर बिक्रीका लागि चैत्र १२ गतेदेखि २० गतेसम्म आवेदन खुलाएको थियो ।
कम्पनीका अनुसार उक्त शेयरमा परेको बोलपत्र आज ग्रिन लिभ्स रेष्टुरेन्ट, नक्साल, काठमाडौंमा बिहान ८ बजे खोलिनेछ । साथै, मुक्तिनाथ क्यापिटल लिमिटेडको फेसबुक लाइभ मार्फत लगानीकर्तालाई बोलपत्र खोलिएको प्रत्यक्ष देखाईने कम्पनीले बताएको छ ।