दुई कम्पनीको २९ करोडको आइपीओ आउँदै, बोर्डमा दिए आवेदन
काठमाडौँ । दुई कम्पनीले आइपीओ निष्कासनका लागि नियामक निकाय नेपाल धितोपत्र बोर्डमा आवेदन दिएका छन् । हिम रिभ पावर लिमिटेडले र पियोर इनर्जी लिमिटेडले आइपीओ निष्कासनका लागि बोर्डमा आवेदन दिएका हुन् ।
हिम रिभर पावरले १३ लाख ३० हजार कित्ता बराबरको १३ करोड ३० लाख रुपैयाँको आइपीओ निष्कासन गर्न निवेदन दिएको हो । कम्पनीको विक्री प्रबन्धक सिद्धार्थ क्यापिटल लिमिटेड रहेको छ ।
त्यस्तै, पियोर इनर्जीले १६ लाख कित्ता बराबरको १६ करोड रुपैयाँको आइपीओ निष्कासन गर्न बोर्डमा निवेदन दिएको हो । कम्पनीको विक्री प्रबन्धक नबिल इन्भेष्टमेण्ट बैंकिङ्ग लिमिटेड रहेको छ ।
