निर्जीवन बीमा ब्यवसायः मधेशबाहेक अन्य ६ वटै प्रदेशको घट्यो, कुनको कति ?
काठमाडौँ । चालु आर्थिक वर्षको ६ महिनामा मधेश प्रदेशबाट बीमा शुल्क आर्जन सर्वाधिक वृद्धि हुँदा अन्य ६ मा भने घटेको छ । नेपाल बीमा प्राधिकरणको तथ्याङ्क अनुसार यस्तो देखाएको छ ।
हाल संचालकनमा रहेका निर्जीवन बीमा कम्पनीका बीमा शुल्क आर्जन अधिकांश प्रदेशमा घटेको हो । पुष समान्तसम्मको तथ्याङ्क अनुसार मधेशबाट बीमा शुल्क आर्जन ४.०५ प्रतिशतले बढेर १ अर्ब ३० करोड ४५ लाख रुपैयाँ पुगेको हो । गत आर्थिक वर्षको सोहि अवधिमा निर्जीवन बीमा कम्पनीको ब्यवसाय उक्त प्रदेशमा १ अर्ब २५ करोड ३७ लाख रुपैयाँ रहेको थियो ।
त्यस्तै, बीमा शुल्क आर्जन चालु आर्थिक वर्षको दोस्रो त्रैमाससम्ममा कर्णालीको ०.०४ प्रतिशतले घटेर १८ करोड ५१ हजार रुपैयाँ, कोशीको ०.३८ प्रतिशतले घटेर १ अर्ब ७२ करोड २ लाख रुपैयाँ, सुदूरपश्चिमको १.४१ प्रतिशतले घटेर ५१ करोड ७८ लाख रुपैयाँ रहेको छ ।
साथै, लुम्बिनीको बीमा शुल्क आर्जन २.३० प्रतिशतले घटेर १ अर्ब ८१ करोड रुपैयाँ, गण्डकी प्रदेशको ३.२२ प्रतिशतले घटेर १ अर्ब १० करोड रुपैयाँ र बाग्मतीको सर्वाधिक ४.४७ प्रतिशतले घटेर १ अर्ब २७ करोड रुपैयाँमा सिमित भएको छ ।
रु.हजारमा
