दुर्गा प्रसाईंलाई हातपात गर्ने रामकान्त पक्राउ
काठमाडौं । बाग्लुङमा कार्यक्रममा सम्बोधन गर्न जाँदा दुर्गा प्रसाईंलाई हातपात गर्ने व्यक्ति पक्राउ परेका छन् । प्रसाईंलाई हातपात गर्न खोज्ने बाग्लुङ नगरपालिका–७ का ३७ वर्षीय रामकान्त गौतमलाई प्रहरीले पक्राउ गरेको हो ।
बाग्लुङका डीएसपी मदन केसीका अनुसार प्रसाईंलाई हातपात गर्ने गौतमले जुत्ता पसल चलाउँछन् । प्रसाईंलाई हातपात गर्नुको कारण भने उनले प्रहरीलाई बताएका छैनन् ।
प्रसाईं राष्ट्र, राष्ट्रिय, धर्म, संस्कृति र नागरिक बचाउ अभियानका नाममा विभिन्न जिल्लाको दौडाहामा छन् ।
