ग्लोबल आइएमई क्यापिटलको सीईओमा लुइटेल, स्टक मार्केटमा अब्बल
काठमाडौं । मन्दिप लुइटेल ग्लोबल आइएमई बैंकको भ्रातृ कम्पनी ग्लोबल आइएमई क्यापिटलको प्रमुख कार्यकारी अधिकृत (सीईओ)मा नियुक्त भएका छन् । माघ १ देखि लागू हुने गरी लुइटेल ४ वर्षका लागि सीईओ नियुक्त भएका हुन् ।
उनी यसअघि सानिमा क्यापिटलमा इन्भेष्टमेन्टमा बैंकिङ प्रमुखका रुपमा कार्यरत थिए । उनीसँग सानिमा क्यापिटलमा साढे ६ वर्ष काम गरेको अनुभव छ । भारतको पुनेबाट एमबीए गरेका उनले काठमाडौं विश्वविद्यालयबाट इन्जिनियरिङमा स्नातकोत्तर गरेका छन् ।
उनीसँग भारतको मुम्बईस्थित आईसीआईसी बैंकमा डेढ वर्ष क्यापिटल मार्केट स्ट्रक्चर्ड फाइनान्स ग्रुपमा म्यानेजर भइ काम गरेको अनुभव समेत छ । सप्तरीको राजविराज घर भएका उनी स्टक मार्केटबारे विशेष दख्खल राख्छन् ।
