रुसी सेनामा भर्ती भएका थप ३ नेपालीको मृत्यु, मर्नेको संख्या ९, तनहुँका ५ जना सम्पर्कविहिन
काठमाडौं । रुसी सेनामा भर्ना भएका थप तीन जना नेपालीको मृत्यु भएको छ । परराष्ट्र मन्त्रालयले थप तीन जना नेपालीको मृत्यु भएको पुष्टि गरेको हो । योसँगै रुसी सेनामा भर्ती भई मृत्यु हुने नेपालीको संख्या ९ पुगेको छ ।
परराष्ट्र मन्त्रालयका प्रवक्ता अमृतबहादुर राईले थप तीन नेपालीको मृत्यु भएको सूचना आफूहरुलाई प्राप्त भएको बताए । मृत्यु हुने स्याङ्जाका हरिप्रसाद अर्याल, धार्दिङका राजकुमार गिरी र कैलालीका भरतबहादुर शाहको छन् ।
उता, रुसी सेनामा भर्ती भएका तनहुँका पाँच जना सम्पर्कविहिन भएका छन् । उनीहरुका परिवारले जिल्ला प्रशासन कार्यालय तनहुँमा रहेको सुरक्षित आप्रवासन (सामी) कार्यक्रम अन्तर्गत आप्रवासी स्रोत केन्द्रमा निवेदन दिएर फिर्ता बोलाइदिन आग्रह गरेका छन् ।
