कोशी प्रदेश लोक सेवाले असारमा मागेको दरखास्तमा लिखित परीक्षाको तालिका प्रकाशित (सूचनासहित)
काठमाडौं । कोशी प्रदेश लोक सेवा आयोगले गएको असार ११ गते प्रकाशित गरेको विज्ञापनको लिखित परीक्षा कार्यक्रम प्रकाशित गरेको छ । आयोगले एक सूचना प्रकाशित गरी लिखित परीक्षाको कार्यक्रम सार्वजनिक गरेको हो ।
कोशी प्रदेश लोक सेवा आयोगले गएको असारमा खुला तथा समावेशी अन्तर्गत अधिकृत, लेखा अधिकृत, राजस्व अधिकृत, तथ्याङ्क अधिकृत, इन्जिनियर लगायत विभिन्न अप्राविधिक र प्राविधिक पदमा दरखास्त मागेको थियो ।
सातौं तहका लागि विभिन्न पदमा माग गरिएको विज्ञापनको लिखित परीक्षा आउँदो माघ १३ देखि चैत २१ सम्म सञ्चालन हुने जानकारी प्रदेश लोक सेवा आयोगले दिएको छ ।
