उड्नै लाग्दा बुद्ध एयरको आकस्मिक ढोका खुल्यो
काठमाडौं । पोखराबाट काठमाडौंका लागि उड्न लागेको बुद्ध एयरको आकस्मिक ढोका खुलेको छ । बिहीबार बिहान पौने १० बजेतिर पोखराबाट काठमाडौंका लागि उड्न लागेको उडान नम्बर ६५२, बुद्ध एयरको आकस्मिक ढोका खुलेको हो ।
विमान ट्याक्सी वेबाट धावनमार्गमा जान लागेका बेलामा ढोका खुलेको थाहा भएको थियो । आकस्मिक ढोका नजिकै रहेका यात्रुको खुट्टाले लागेर खुलेको बताइएको छ । ती यात्रुलाई प्रहरीले सोधपुछ गरेको छ । यसबारे पोखरा टर्मिनलका सुरक्षाकर्मीले अध्ययन अघि बढाएको र के कति कारणले ढोका खुलेको भन्ने यकिन भइसकेको छैन ।
