सातै प्रदेशमा डीडीसीले माग्यो डिष्ट्रिव्यूटर (सूचनासहित)
काठमाडौं । सरकारी स्वामित्वको दुग्ध विकास संस्थान केन्द्रीय कार्यालयले डीडीसी ब्राण्डका दुग्धपदार्थ बिक्रिको लागि सातवटै प्रदेशको विभिन्न ठाउँमा डिष्ट्रिव्यूटर नियुक्तिका लागि सूचना निकालेको छ ।
डीडीसीका ब्राण्डहरु चीज, मख्खन, २०० एमएलको पेट जारको फ्रेस मिल्क, पनिर तथा धुलो दुधआदि बिक्रि वितरण गर्न सात वटै प्रदेशमा प्रादेशिक डिष्ट्रिव्यूटर नियुक्तिका लागि १५ दिनभित्र प्रस्ताव पेश गर्न भनिएको छ ।
प्रस्तावक फर्म, संस्था वा कम्पनी दर्ता तथा नविकरण भएको हुनुपर्ने, प्रस्तावकले विक्री वितरणको योजना पेश गर्नु पर्ने, प्रस्तावकले चाहेको प्रादेशिक क्षेत्र प्रस्तावमा प्रष्ट उल्लेख गर्नु पर्ने र प्रस्तावकसँग दुग्धजन्य पदार्थ चिसो मेन्टेन गर्ने कोल्डरुम तथा ढुवानी साधनको विवरण पेश गर्नु पर्ने भनिएको छ ।
