निर्जीवन बीमा कम्पनीले कात्तिक महिनामा कुन प्रदेशबाट कति गरे बीमा शुल्क आर्जन ? (तथ्यांकसहित)
काठमाडौं । नेपालमा संचालित रहेका १४ निर्जीवन बीमा कम्पनीहरु चालु आर्थिक वर्ष २०८०।८१ को चार महिनामा कुल १२ अर्ब ७४ करोड रुपैयाँको व्यवसाय गर्न सफल भएका छन् । कम्पनीहरुले साउन महिनामा सम्पति, सामुन्द्रिक, हवाई, मोटर, इन्जिनियर सम्बन्धि, विविध, लघु र कृषि तथा बालि लगायतका बीमा लेखहरुबाट उक्त बीमा शुल्क आर्जन गर्न सफल भएका हुन् ।
नेपाल बीमा प्राधिकरणले प्रकाशित गरेको बीमाशुल्कको प्रदेशगत विवरण अनुसार बाग्मती प्रदेशबाट सबैभन्दा बढी बीमा शुल्क संकलन भएको छ । कात्तिक महिनामा बीमा कम्पनीहरुले यस प्रदेशबाट विभिन्न बीमालेख बिक्री गरी दुुई अर्ब आठ अर्ब ४४ करोड रुपैयाँबको व्यवसाय गरेको छ । देशको संघिय राजधानी रहेको र जनसंख्या पनि अन्य सबै प्रदेशभन्दा बढी रहेको तथा व्यापारिक केन्द्रको रुपमा विकास भएको कारणले बाग्मती प्रदेशमा बढी बीमा शूल्क संकलन भएको प्रकाशित तथ्यांकले देखाएको छ ।
यसैसँगै, बीमा शुल्क संकलनको आधारमा दोस्रो नम्बरमा लुम्बिनी प्रदेश रहेको छ । कात्तिक महिनामा बीमा कम्पनीहरुले लुम्बिनी प्रदेशबाट एक अर्ब १९ करोड रुपैयाँ बराबरको बीमा शुल्क संकलन गर्न सफल भएको छ । त्यस्तै, बीमा कम्पनीहरुले कात्तिक महिनामा कोशी प्रदेशबाट एक अर्ब ८ करोड २१ लाख रुपैयाँ, मधेश प्रदेशबाट ८५ करोड ७१ लाख रुपैयाँ आर्जन गरेको छ ।
यसका साथै, गण्डकी प्रदेशबाट कात्तिक महिनामा ७२ करोड ७ लाख रुपैयाँ, कर्णाली प्रदेशबाट ११ करोड ७५ लाख रुपैयाँ र सुदुरपश्चिम प्रदेशबाट ३२ करोड ७० लाख रुपैयाँ बीमा शुल्क संकलन गरेको छ ।
निर्जिवन बीमा कम्पनीहरुले कर्णाली प्रदेशबाट सबैभन्दा कम बीमा शुल्क संकलन गरेका छन् । संघिय राजधानीबाट लामो दुरीमा रहेको र शिक्षा तथा बीमा जनचेतनाको अभाव लगायत अन्य थुप्रै कारणले बीमा व्यापार घटेको प्रकाशित तथ्थांकले देखाएको छ ।
