विवाहको सिजनमा सुनको मूल्यले बनायो नयाँ रेकर्ड, कतिमा हुदैछ कारोबार ?
काठमाडौं । साता कारोबारको पहिलो दिन अर्थात आइतबार सुनको मूल्यले नयाँ रेकर्ड कायम गरेको छ । सुनको मूल्यले विवाहको सिजनमै नयाँ रेकर्ड कायम गरेको छ । नेपाली बजारमा आज सुन प्रतितोला १८ सय रुपैयाँले बृद्धि भएको छ ।
नेपाल सुनचाँदी व्यवसायी महासँघका अनुसार छापावाला सुनको मूल्य एक लाख २० हजार ८०० रुपैयाँ र तेजावी सुनको मूल्य एक लाख २० हजार २०० रुपैयाँमा कारोबार भइरहेको छ । त्यस्तै, चाँदी आज तोलामा पाँच रुपैयाँले बढेको छ । चाँदी प्रतितोला एक हजार ५४५ रुपैयाँमा कारोबार भइरहेको हो ।
