इजरायलमा फेरि भीषण युद्ध सुरु, इजरायलले युद्धविराम उल्लंघन गरेको हमासको आरोप
काठमाडौं । इजरायलमा फेरि युद्ध सुरु भएको छ । इजरेली अधिकारीहरुले भनेका छन्, ‘हमासविरुद्ध हामीले फेरि युद्ध सुरु गरेका छौँ ।’ शुक्रबार मानवीय युद्धविराम टुट्नासाथ फेरि युद्ध सुरु भएको हमासको नियन्त्रणमा रहेको गाजास्थित आन्तरिक मन्त्रालयको हवाला दिँदै सीएनएनले जनाएको छ ।
युद्धविराम अन्त्य भएको केही मिनेटमै इजरेली सैन्य वाहनहरुले उत्तपरिश्चम गाजामा गोलाबारी गर्न सुरु गरेका बताइएको छ । उक्त आन्तरिक मन्त्रालयले इजरेली सेनाका फाइटर जहाजहरु आकाशमा देखिएका पनि जानकारी दिएको छ ।
विद्रोही समूह हमासले भने इजरायलले युद्ध विराम सम्झौताको उल्लंघन गरेर आक्रमण सुरु गरेको आरोप लगाएको छ ।
