वर्षदिनदेखि आयल निगमका प्रबन्ध निर्देशक उमेश थानीले उपभोक्ता ठगी गरेको खुलासा, अन्तर्राष्ट्रिय मूल्य अनुसार मूल्य घटाइएन

काठमाडौं । नेपाली कांग्रेस त्यो पनि प्रकाशमान सिंहको कोटामा नेपाल आयल निगमको प्रबन्ध निर्देशक बनेका उमेश प्रसाद थानी यतिबेला जनतालाई दिन दहाडै ठगी गर्ने धन्द्यामा व्यस्त बनेको खुलेको छ । निगमको कार्यकारी अधिकार प्राप्त थानीले विगत एक वर्षदेखि उपभोक्तालाई अचाक्ली महंगो मूल्यमा इन्धन खरिद गर्न बाध्य पारेर ठगी गरेको खुलासा भएको हो ।

भारतसँग गरिएको सम्झौता अनुसार नेपालले लागत मूल्यमा थोरै मात्रै मुनाफा दिएर आईओसीसँग इन्धन खरिद गर्न पाउने व्यवस्था छ । तर, सो विपरित निगमका प्रबन्ध निर्देशक थानीले भारतीय आयल निगमबाटै महंगो मूल्य लगाएर कमिशन हात पार्न सफल भएका थिए । सो काण्डबारे बीमापोष्टले एक वर्ष अघि नै सविस्तार समाचार प्रकाशित गरेको थियो ।

विगत एक वर्षदेखि आयल निगमले अन्तर्राष्ट्रिय मूल्य घटे अनुसार नेपालको इन्धनको मूल्य समायोजन नगरेको खुलेको छ । गत दशैं अघि प्रधानमन्त्री कार्यालयले सो विषयमा जानकारी पाएपछि प्रधानमन्त्री प्रचण्डको कडा निर्देशनपछि दशैंअघि कथित अटोमेशन प्रणाली हटाउँदै मूल्य घटाइएको थियो । अहिले विगत एक वर्षदेखि असाध्यै महंगो मूल्यमा इन्धन बिक्री गर्दै आएको निगमले अन्तर्राष्ट्रय मूल्य अनुसार मूल्य नघटाई ठगी गरेको खुलेको हो । बाणिज्य कानुन अनुसार एकाधिकार प्राप्त संस्थाले त्यसरी जनता ठगी गर्ने कार्यलाई अपराध मानिन्छ । बाणिज्य कानुन अनुसार कुनै पनि बस्तुमा २० प्रतिशतभन्दा बढि मुनाफा लिन नपाइने भएपनि आयल निगमले सो भन्दा बढि मुनाफा लिएर ठगी गर्दै आएको पाइएको छ ।

देशमा इन्धन कारोबारको एकाधिकार प्राप्त संस्था निगमले अन्तर्राष्ट्रिय मूल्यमा उच्च गिरावट आएपनि उपभोक्तालाई ठगी गर्ने उद्देश्यले महंगो मूल्यमा इन्धन बिक्री गर्दै आइरहेका छन् । पछिल्लो तथ्याङ्क अनुसार निगमका थानीले यस बीचमा करिब ४९ अर्ब रुपैयाँ ऋण तिरिसकेका छन् । तर, उपभोक्तालाई महंगो मूल्य थोपरिएको इन्धनको दररेट अझै घटाउन आनाकानी गरिरहेका छन् ।

अन्तर्राष्ट्रिय बजारमा पछिल्लो अवस्थामा इन्धनको मूल्य लगातार बढिरहेको छ । तर, गत जुलाईमा इन्धनको मूल्य प्रतिब्यारेल १६१ डलर पुगेको थियो । जुलाई, २०२२ पछि इन्धनको मूल्य लगातार घटेर डिसेम्वर २०२२ देखि प्रतिब्यारेल १०० हाराहारीमा अन्तर्राष्ट्रिय बजारमा इन्धनको कारोबार भइरहेको छ ।

तर, देउवा पत्नी आरजु राणालाई मासिक करोडौं रुपैयाँ कमिशन बुझाउने गरी आयल निगमको प्रबन्ध निर्देशकमा नियुक्त भएका थानीले भ्रष्टाचार र सेटिङकै लागि जनतामाथि उपभोक्त अधिकार हनन् हुने गरी चर्को मूल्य असुली गरेको खुलेको छ । बीमापोष्टले गरेको अध्ययनको क्रममा गत वर्ष भारतमा भन्दा नेपालमा आउने इन्धन ३० प्रतिशत महंगो रेट लिएको खुलासा भएको थियो ।

लागत बढेको भन्ने नेपाल आयल निगमको दावी झूठा, आईओसीसँगको नक्कली खरिद मूल्य देखाई जनता झुक्याइदै

मासिक १० अर्बबढि घोटालामा आयल निगम र आईओसी दुवैको मिलिभगत, हेरौं अर्बौ सेटिङको प्रमाण

आईओसीद्धारा भारत र नेपालका लागि फरक फरक मूल्य, सम्झौताविपरित नेपाललाई अत्याधिक महंगो दररेट

भारतद्धारा नेपाली उपभोक्तामाथि अपराध, उपभोक्तावादीहरु समेत प्रलोभनमा पर्दा जनता महंगीको मारमा