नेप्सेको अवरुद्ध वेबसाइट चल्नासाथ देखियो हरियाली
काठमाडौं । नेपाल स्टक एक्सचेन्ज ‘नेप्से’को अवरुद्ध वेबसाइट सञ्चालनमा आएको छ । प्राविधिक गडबडीका कारण शेयर बजारको प्रि-ओपन सेसन २५ मिनेट ढिलागरी खुलेकामा वेबसाइट झण्डै डेढघण्टापछि खुलेको हो । नेप्सेको वेबसाइट खुल्नासाथ क्यापिटल मार्केटमा हरियाली देखिएको छ ।
प्राविधिक समस्या समाधानपछि निर्वाध रुपमा कारोबार भइरहेको नेप्सेले जनाएको छ । नेप्सेका अनुसार निर्माण कार्यका क्रममा विद्युत आपूर्ति अवरुद्ध हुन जाँदा सिस्टम रोकिएको थियो ।
