दोहोरो अंकले बढ्यो नेप्से, १२ उपसूचकमा हरियाली
काठमाडौं । साता कारोबारको तेस्रो दिन नेप्से दोहोरो अंकले बढेको छ । मंगलबार नेप्से ११.२२ अंकले बढेर १८५८.७६ विन्दुमा कायम भएको हो ।
आज नेप्सेमा सूचीकृत २८५ कम्पनीहरुको ४३ लाख ३१ हजार २२९ कित्ता शेयर किनबेच हुँदा ९९ करोड ६५ लाख ८६ हजार रुपैयाँ बराबरको कारोबार भएको छ । नेप्से बढेसँगै आज १२ वटा उपसूचकमा हरियाली छाएको छ भने निर्जीवन बीमा उपसूचक ०.१८ प्रतिशतले घटेको छ ।
त्यस्तै आज, इन्भेष्टमेन्ट उपसूचक १.५१, अन्य उपसूचक १.३२, फाइनान्स उपसूचक १.२३ जीवन बीमा उपसूचक १.१७ प्रतिशतले बढेको छ ।
