दुई जीवन बीमा कम्पनीको शेयरमा झुम्मिए लगानीकर्ता, कुन कति भयो कारोबार ?
काठमाडौं । साता कारोबारको चौथौ दिन अर्थात बुधबार शेयर बजार सामान्य अंकले बढेको छ । कारोबारको अघिल्लो दिन पनि सामान्य अंकले बढेको शेयर बजार आज ९.२४ अंकले बृद्धि भई १९६७ को विन्दुमा कायम भएको छ ।
शेयर बजार सामान्य अंकले बृद्धि भएसँगै सिटिजन लाइफको सबैभन्दा बढी शेयर कारोबार भएको छ । आज कम्पनीको छ करोड ९३ लाख रुपैयाँको शेयर कारोबार भएको छ ।
यसका साथै, आज रिलायबल नेपाल लाइफको चार करोड ३० लाख रुपैयाँ, शिवम् सिमेन्टको तीन करोड ४१ लाख रुपैयाँ, एनआइसी एशिया बैंकको तीन करोड १३ लाख रुपैयाँ र सन नेपाल लाइफको तीन करोड रुपैयाँ बराबरको शेयर कारोबार भएको छ ।
