नेपाल धितोपत्र बोर्डले कानुन विपरित रेटिङ गरेको भन्दै केयर रेटिङलाई कारवाही गर्ने
नेपाल धितोपत्र बोर्डले कानुन विपरित रहेको भन्दैकेयर रेटिङले कानुन विपरित रेटिङ गरेको पाइएको कारण नेपाल धितोपत्र बोर्डले कारवाही गर्ने भएको छ ।
सेबोनको आज बसेको सञ्चालक समितिको बैठकले कानुन विपरित काम गरेको पाइएपछि केयर रेटिङलाई कारबाही गर्ने निर्णय गरेको हो । बोर्डले केयरलाई ५० हजार रुपैयाँ जरिवाना तिराउने निर्णय गरेको छ ।
धितोपत्र सम्बन्धि ऎन कानुन विपरीत कुनै पनि कम्पनीको रेटिङ गरेमा ५० हजारदेखि २ लाख रुपैयाँसम्म जरिवाना हुनसक्ने व्यवस्था छ । सोही व्यवस्था अनुसार बोर्डले केयरमाथि कानुनी कारबाही गरेको बोर्डका एक सदस्यले जानकारी दिए ।
‘अन्य कम्पनीहरु पनि सुध्रिउन् र भविष्यमा गलत काम नगरुन् भन्ने उदेश्यले केयर माथि कारबाही भएको बोर्डका एक सदस्यले जानकारी दिए ।
केयर रेटिङले कानुन विपरित रेटिङ गरेको भन्दै धितोपत्र बोर्डले गत पुस २८ गते स्पष्टीकरण सोधेको थियो।
