बाबुराम अधिकारी रिलायबल नेपाल लाइफको प्रथम स्थान हासिल गर्ने सिनियर एजेन्सी बने
काठमाडौं । रिलायबल नेपाल लाइफ इन्स्योरेन्सले देशभरका उत्कृष्ट १ सय अभिकर्तालाई विभिन्न विधामा सम्मान गरेको छ । कम्पनीको भद्रपुर शाखाका एमडीआरटी तथा सिनियर एजेन्सी मेनेजर बाबुराम अधिकारी प्रथम स्थान हासिल गर्न सफल भएको कम्पनीले जनाएको छ । उनलाई कार्यक्रममा सम्मान गरिएको थियो ।
भदौ २२ गते शुक्रबार पोखराको माउन्टेन ग्लोरी फरेस्ट रिसोर्ट एन्ड इस्पामा सुरु भएको कार्यक्रममा आर्थिक वर्ष २०७९÷८० मा एजेन्सीतर्फ साथै व्यक्तिगत अभिकर्ता कोडमासमेत नेपालभरिबाट रिलायबल नेपाल लाइफ इन्स्योरेन्स भद्रपुर शाखाका एमडीआरटी तथा सिनियर एजेन्सी मेनेजर बाबुराम अधिकारी प्रथम स्थान हासिल गर्न सफल भएका छन् ।
त्यस्तै एजेन्सीतर्फ बिर्तामोड शाखाका एमडीआरटी तथा सिनियर एजेन्सी मेनेजर प्रेमराज गिरी तृतीय भएका छन् । उनीहरूलाई नगदसहित पुरस्कृत गरिएको छ ।
कम्पनीका कार्यकारी प्रमुख (सिइओ) नारायण बाबु लोहनीले उद्घाटन गरेको कार्यक्रममा कम्पनीका प्रमुख प्रबन्धक शैलेन्द्र श्रेष्ठले स्वागत मन्तव्य राखेका थिए । वरिष्ठ सहायक महाप्रबन्धक दीपेश बाबु तिवारी र वरिष्ठ प्रबन्धक युवराज ज्ञवालीले कम्पनीको भावी योजना र नयाँ बिमा योजनाका बारेमा बताएका थिए ।
