साहित्यकार तथा पत्रकार राजेन्द्र पराजुलीको निधन
काठमाडौं । साहित्यकार तथा पत्रकार राजेन्द्र पराजुलीको निधन भएको छ । पारिवारिक स्रोतका अनुसार ललितपुरको ग्वार्कोस्थित बीएन्डबी अस्पतालमा उपचारका क्रममा आज बिहान उनको निधन भएको हो ।
लामो समयदेखि पत्रकारितामा सक्रिय पराजुलीका दर्जनौं पुस्तकहरू प्रकाशित छन् । पछिल्लो समय ‘जन्तरमन्तर’ कथासंग्रह बजारमा लयाएका उनका ‘कोटेश्वरको केटो’, ‘शुक्रराज शास्त्रीको चश्मा’ , ‘अघोरी’ ‘भ्रष्ट संवेदना’ लगायत पुस्तक चर्चित छन् ।
विशेषगरी कथा लेखनमार्फत ख्याती कमाएका पराजुली आफ्ना कथाहरू मार्फत् सामाजिक तथा राजनीतिक विसंगतिप्रति तीखो आलोचकीय दृष्टिकोण राख्ने गरेका थिए । उनको आज दिउँसो पशुपतिको आर्यघाटमा अन्त्योष्टि गरिने पारिवारिक स्रोतले बताएको छ ।
