नेपाल बीमा प्राधिकरणको घोटाला काण्डमा अख्तियार प्रमुख प्रेम राईको संलग्नता ! कति खाए घुस ?

काठमाडौं । नेपाल बीमा प्राधिकरणमा विगत तीन वर्षभित्र भएका तमाम घोटाला काण्डमा भ्रष्टाचार निवारण सम्बन्धी संवैधानिक निकाय अख्तियार दुरुपयोग अनुसन्धान आयोगका प्रमुख आयुक्त प्रेम कुमार राईको समेत संलग्नता पुष्टि हुन आएका छ । अब प्रश्न उठ्छ प्रेम राई पनि सूर्य सिलवाल झै घुस खाएरै उक्त काण्डहरुको सेटिङमा सहभागी भए वा स्वयम् सेवी रुपमा अर्बौ घुस सेटिङका मतियार बने ?

नयाँ लाइसेन्स वितरण प्रक्रिया, लघु बीमाको लाइसेन्स वितरण प्रक्रियासम्म आईपुग्दा नेपाल बीमा प्राधिकरणका अध्यक्ष सूर्य प्रसाद सिलवालले अर्बौ रुपैयाँ घुस सेटिङको काम गरेका थिए । अर्बौै सेटिङका कामहरुमा पटक पटक सूर्य प्रसाद सिलवालले आफूलाई बचाउने प्रेम राई नै भएको खुलासा गर्दै आएका थिए । गत वर्ष सूर्यज्योति लाइफको मर्जर सम्बन्धी भोजमा सूर्य सिलवाल र प्रेम राईको सम्बन्धको चर्चा भएको थियो । यस्ता थुप्रै सन्दर्भहरु छन्, जहाँ प्रेम राई र सूर्य सिलवाल बीचको सम्बन्धमा आधारहरु भेटिन्छन् ।

भ्रष्टाचारीसँग विशेष सम्बन्ध भएका अख्तियारका प्रमुख आयुक्त प्रेम राईले बीमा प्राधिकरण र तत्कालिन बीमा समितिका सम्बन्धमा परेका दुई दर्जन उजुरी मध्ये कुनै पनि छानविन नगरी तामेलीमा राखिदिएका छन् । त्यस्तै करोडौं कर छलीमा सूर्य प्रसाद सिलवालको समेत संलग्नता रहेको भन्ने एक उजुरीको छानविन गर्ने जिम्मेवारी नै सूर्य सिलवाललाई तोकेर छानविन हुनुको साटो उल्टै चोख्याउने काम गरेका थिए ।

उल्लेखित घटनाक्रमहरुले सूर्य सिलवाल र प्रेम राईबीचको सम्बन्ध निकै गहिरो र पछिल्लो समयसम्म गतिशिल अवस्थामा रहेको देखिन्छ । भ्रष्टाचार निवारणको लागि संवैधानिक निकायको प्रमुखको रुपमा रहेका व्यक्ति नै भ्रष्टाचारीका अभियुक्तसँग अन्योन्याश्रित देखिनुले थप शंकास्पद बन्न पुगेको छ ।

पछिल्लो पटक नेपाल बीमा प्राधिकरणले यही असार २९ गते जारी निर्देशनले नेपाल बीमा प्राधिकरणका अध्यक्ष सूर्य प्रसाद सिलवालको निणर्य भ्रष्टाचारजन्य कार्य रहेको भन्दै संशोधन गरेको देखिइसकेपछि सूर्य सिलवालले नेपाल सरकारको लगानी रहेको नेपाल पुनर्बीमा कम्पनीलाई घाटा पुर्याउने कार्य अर्थात भ्रष्टाचारमा संलग्नता पुष्टि गर्दछ । प्रेम राईसँगै नाम जोडिएको व्यक्ति भ्रष्ट भइसकेपछि उनले यसअघि सूर्य सिलवालसँग राखेको सम्बन्ध स्वयम्सेवी हो कि घुस रकम सहित हो ? प्रश्न उठेको छ । सूर्य सिलवालमाथि तीन अर्ब, छ अर्ब तथा अन्य करोडौं घुस काण्डमा छानविन माग गर्दै अख्तियारमै परेका उजुरीहरुले देखाउँछ । ति उजुरीहरुमाथि छानविन हुन दिएर प्रेम राईले सूर्य सिलवाललाई यत्तिकै माया गरे होलान त ? आम चासो र प्रश्न उठेको छ ।