एसईई नतिजा आज आउँदै, अनलाइन र एसएमएसबाट यसरी हेर्न सकिन्छ
काठमाडौं । राष्ट्रिय परीक्षा बोर्ड सानोठिमी भक्तपुरले २०७९ सालको माध्यमिक शिक्षा परीक्षा (एसईई) को नतिजा आज सार्वजनिक गर्ने तयारी गरेको छ । परिक्षा बोेर्डले एक सूचना प्रकाशित गर्दै एसईई नतिजा हेर्ने वेबसाइट, एसएमएस र आईभीआर सार्वजनिक गरेको हो ।
कुनै प्राविधिक समस्या नभएको खण्डमा आजै सार्वजनिक हुने बताइएको एसईई नतिजा अनलाइनबाट हेर्न केही समय लाग्छ । तर एसएमएस तथा आईभीआरबाट भने तुरुन्तै हेर्न सकिने बोर्डले जनाएको छ ।
मेसेजमार्फत नतिजा हेर्ने तरिका
एसईईको नतिजा नेपाल टेलिकमको एसएमएसमार्फत यसरी हेर्नसकिने छः
सबैभन्दा पहिले मोबाइलमा मेसेज एप खोल्नुहोस् ।
त्यसपछि न्यु मेसेजको अप्सनमा ट्याप गर्नुहोस् ।
त्यसपछि एसईई लेखेर आफ्नो सिम्बोल नम्बर टाइप गरी १६०० मा पठाउनुहोस् ।
त्यस्तै नेपाल टेलिकमको आईभिआर मार्फत नतिजा सुन्नका लागि १६०० मा कल गरेर अपरेटरले दिएको निर्देशन पालना गर्दै सिम्बोल नम्बर टाइप गरिसकेपछि नतिजा थाहा पाउने सकिनेछ ।
एसएमएसबाट नतिजा हेर्ने अन्य विकल्प पनि यस प्रकार छन्
–जानकी टेक्नोलोजी प्रालिबाट नतिजा हेर्न ३५००१ मा एसएमएस पठाउनुहोस् ।
–इजी सर्भिस प्रा लिबाट नतिजा हेर्न ३४९४९ मा एसएमएस पठाउनुहोस् ।
–आकाश टेक प्रालिबाट नतिजा हेर्न ३१००३ मा एसएमएस पठाउनुहोस् ।
–क्रियसन सफ्ट नेपाल प्रालिबाट नतिजा हेर्न ३१०३४ मा एसएमएस पठाउनुहोस् ।
यी सबैमा नेपाल टेलिकमको एसएमएसमार्फत नतिजा हेरे जस्तै प्रक्रिया दोहोयाउनु पर्ने हुन्छ । एसएमएस र आईभीआर सेवामार्फत जीपीए मात्र थाहा पाउन सकिन्छ ।