सन नेपाल लाइफद्धारा मृत्यु बीमा दाबी भुक्तानी रकम हस्तान्तरण
काठमाडौं । सन नेपाल लाइफ इन्स्योरेन्स कम्पनीले मृत्यु बीमा दाबी वापतको रकम हस्तान्तरण गरेको छ।कम्पनीले वैदेशिक रोजगारीको सिलसिलामा दुवईमा मृत्यु भएका पर्वतका बिमल सार्कीका परिवारले बीमा गरे वापतको १४ लाख रुपैयाँ मृतकको परिवारलाई हस्तान्तरण गरेको हो ।
पर्वत जिल्ला कुश्मा नगरपालिका ३, दुर्लुङ स्थायी घर भई रोजगारीको लागि दुवई गएका बिमलको ०७९ चैत्र २७ गते रोजगारकै सिलिसलामा मृत्यु भएको थियो ।
वैदेशिक रोजगारीमा जानुअघि बिमलले सन नेपाल लाइफ इन्स्योरेन्स कम्पनीबाट वैदेशिक रोजगार म्यादी जीवन बीमा अन्तरगत बीमा गराएका थिए । वैदेशिक रोजगारीमा गएको एक बर्ष नपुग्दै उनको दुःखद मृत्यु भएपछि कम्पनीले उनको परिवारलाई मृत्यु दाबी भुक्तानी गरेको हो । वैदेशिक रोजगार म्यादी जीवन बीमा अन्तरगत उनका परिवारले सो रकम बुझेका हुन् ।
सन नेपाल लाइफ इन्स्योरेन्स बागलुङ उपशाखाका प्रमुख अनुप सुवेदीले मृतक बिमल को श्रीमति बिष्णु सार्की लाई रू. १४ लाखको चेक हस्तान्तरण गरको होे ।बीमा रकम बुझेपछि बीमाको आवश्यकता र महत्व राम्रोसँग बोध भएको प्रतिकृया दिँदै सार्की ले सो रकम पाएपछि बीमा कम्पनीप्रति आभार व्यक्त गरिन् ।
साथै, उनले सो रकमले आर्थिक भार थेग्न सहयोग पुग्ने बताउदै भुक्तानी स्वरुप पायको केही रकम पुन आफ्नो नाममा बीमा समेत कम्पनीमा गराएकी छिन् ।
