चिनियाँ खर्बपति ज्याक मा काठमाडौंमा
काठमाडौं । चर्चित इ–कमर्स कम्पनी अलिबाबाका संस्थापक चिनियाँ उद्यमी तथा धनाढ्य ज्याक मा आज विशेष विमानबाट नेपाल आएका छन् । मंगलबार दिउँसो हङकङ बिजनेश एभिएसनको जहाज चार्टर्ड गरी उनी काठमाडौं पुगेका हुन् ।
त्रिभुवन अन्तर्राष्ट्रिय विमानस्थलबाट उनीसहितको सात जनाको टोली काठमाडौंको नक्सालस्थित मेरियट होटलमा पुगेका छन् ।
अलिबाबाको स्वामित्व नेपाली इ–कमर्स कम्पनी दराजमा समेत छ । संभवतः आजसम्म यति धनाढ्य कम्पनीका मालिक कोही पनि नेपाल आएका थिएनन् ।
बैदेशिक लगानी आओस्, नयॉ कम्पनी खुलोस्, धेरै नेपालीले रोजगारी पाओस्, निर्यात बढोस् ।
